Kinahapunan ay hinayaan na ng doktor na makapasok ang mga kasama niya sa silid ng anak, hindi niya alam kung anong sinabi nito sa doktor para mapapayag.
"Ayos ka lang ma?" Tanong niyo sa mama niya nang makitang napasapo ito sa ulo nito at tila ba ay nahihilo.
" Wala ito anak, medyo nahilo lang ako." Sagot nito sa kanya pero sa nakikita niya ay hindi maganda ang pakiramdam nito ngayon.
"Ma pwede naman kayong umuwi ngayon, balik na lang kayo bukas kaya ko naman bantayan si kade." Sabi niya dito.
May edad na din kasi ang mama niya kaya hindi na dito advisable ang sobrang pagpapagod at ang pagpupuyat. Nang nagdaang gabi ay tiyak niyang puyat ito dahil wala namang mahihigaan sa labas ng room. Hindi rin komportable ang mga upuan doon, ang inaalala niya pa nga ay baka nalipasan ito ng guto
