Maid For YouUpdated at Aug 9, 2023, 00:38
Mataba, maitim, at panget, iyan lang ang kalimitang inaasar kay Zoe. Hindi na luma para sa kaniya ang mga katagang iyan. Ever since, b-in-u-bully siya dahil sa hindi magandang pangangatawan, hitsura, at kulay ng balat. Para kay Zoe, normal na lang ang asarin at pagsalitaan siya ng masasama. Hanggang sa isang araw, bigla na lamang sumugod ang may-ari ng bahay na tinitirhan nila. Sinisingil na sila nito. At dahil halos isang taon silang hindi nakapagbayad, malaki ang kailangan nilang pera dahil kung hindi sila makakapagbayad ay papalayasin na sila. Umutang sila sa mga kamag-anak nila pero hindi pa rin iyon sapat kaya napagdesisyunan ni Zoe na lumuwas sa Maynila para roon maghanap ng trabaho kahit alam niyang imposible dahil sa anyo niya. Habang naglalakad sa kalsada, kamuntikan na siyang mabangga ng isang kotse kaya ganoon na lang ang galit niya. Mula sa kotse, bumaba ang isang lalaki. Pinagyabangan siya nito at sinabihan pa na tatanga-tanga. Dahil sa tindi ng galit, nasampal niya ito. Aminado siya na nasaktan niya nang husto ang lalaki pero dapat lang iyon sa katulad nito.
Ngunit sadyang mapaglaro ang tadhana nang muli silang magkitang dalawa. Walang kaalam-alam si Zoe na ang lalaking pala iyon ay magiging amo niya. Oh, no! Kakayanin ba niyang maging amo ang antipatiko at mayabang na lalaking iyon? O tatanggihan niya ang trabahong nakatakda na para sa kaniya?